كلامى

الحلم اصله فكره , و الفكره اصلها خيال , و الخيال اصله أمل

الاثنين، 23 أغسطس، 2010

عن مسلسلات رمضان و أكثر ...


لا لا متخافوش الرسيفر لسه بايظ 
بس برضوه الواحد لازم يتابع أمال رمضان أزاى من غير مسلسلات 
عجبتنى جدا بعض المسلسلات اللى أسمها فعلا فن بجد  يعنى مش غلط أننا نشوفها فى رمضان عادى 
يعنى ممكن نأجل شويه قرآن و شويه صلاه ونشوفلنا ست سبع مسلسلات بس . 
من المسلسلات اللى عجبتنى بقى 
طبعا المسلسل الضخم ( لازم تفطر بالنهار ) للفنانه الرائعه باتا عبد الرازق 
و مسلسل ( لسه صغيرة ) للفنانه الشابه  ألهاء شاهين 
و مسلسل ( من عيونى يا حكومه ) للكتاب وحيد حامض
و مسلسل ( نسينا ربنا و خلعنا الحجاب ) للفنانه سابرين 
و مسلسل ( أنا أهم واحده ) لفنانه نادية الجندك.


للأسف هما دول بس اللى أخد بالى منهم 
طبعا مفتقدين مسلسل  ( الجعار ) للفنان نونو الشريف
و كان نفسى أتفرج على مسلسل ( و ربنا أنا ابن بلد ) للمطرب حماده فؤاد 
و الحمد لله أنى متفرجتش على مسلسل ( الأونطجى ) للفنان الكوميدا أدم 


دى كانت مسلسلات القطاع الخاص 
عندنا بقى مسلسلات القطاع العام و الحكومه  .. و المفاجأه أنها عملت مسلسلات جديده رمضان ده .
بعد ما أتعودنا على أجزاء مسلسل ( الأسعار نار ) و ( مفيش ياميش ) 
الجديد السنه دى مسلسل ( أزمه طاقه ) و مسلسل ( عودة الخشخاش ) 


و رمضان كريم فعلا 

هناك 5 تعليقات:

  1. ههههههههههههههههههه
    انا اهم واحده دي عجبتني اوي
    ماشي افكار حلوة برضوه

    ردحذف
  2. رمضان كريم

    وكل عام وانتم بخير :)

    ردحذف
  3. ان أول ما شوفت نأجل الصلاة و القرآن..اتخضيت ..قولت ايه اللى حصل..و بعدين خدت بالى من الانتقاد اللاذع للمسلسلات..و اللى عحبنى أكتر انتقاد انقطاع الكهرباء..لأن فعلا بأه مسلسل هو والمياه..بس انا بتهيألى انك كده بيت بتتريأ على ناس بعينهم و حتى لو هما سيئين خليك أنت احسن منهم..

    ردحذف
  4. ههههههههه
    كل سنه وانت طيب

    ردحذف
  5. الو الو الو
    حول هل تسمعنى
    نزلت حلقه جديدة من قلوب بلامرسى
    هستنى تعليقك

    ردحذف

ما يلفظ من قول إلا لديه رقيب عتيد