أيه الشئ العجيب اللى ممكن يخليك أن دى أخر مره هتركب فيها ميكروباص وان نهايتك على الطريق ده وانت مسافر .
1- لو صاحبك اللى المفروض جاى معاك مجاش وموبيله مقفول ( بعد كده الناس هتقول ياااااه لسه له عمر علشان كده مركبشى معاه )
2- أن يكون السواق لسه صاحى من النوم ومش شايف قدامه 2 متر .
3- لو بقى نفس ذات السواق ده أصطبح بسيجاره حشيش ولا حاجه علشان يفوق كده ويبقى تمام .
4- لو الركاب محدش فيهم اتشاكل على الأجره وطلع بقيت الميكروباص ناس حراميه .
5- لو قعد بقى جنب نفس ذات السواق الصاحى من النوم والمصطبح واحد صاحبه ومعاه ابنه او بنته الصغيره وعمال يلعب مع عمو السواق .
6- لو كنت مسافر على اى طريق داخل جمهوريه مصر العربيه .
بصراحة هو الأمن أنك ماتركبش مكروباس خالص.....لأنك لازم تتعود و أنت راكبة أنك حياتك فى خطر..
ردحذفالمشكله ان لو مركبتش الميكروباص هركب ايه
ردحذفسوبر جيت مثلا .. استغفر الله العظيم
ميرسى على ردك منورانى كده دايما
ههههههههههههههههههه
ردحذف7/ لما تكون راكب ميكروباص من ميكروباصات خلود النيل
وبما انك في جامعة طنطا يا محمود احتمال قوي تركب واحد منهم
نصيحة لو راكب واحد منهم واكتشفت كده قبل ما السواق يطلع انزل فووووووووووووراً